Յուրաքանչյուր բիզնեսի զարգացման ընթացքում գալիս է մի պահ, երբ պարզապես լավ գաղափարը կամ մեծ ցանկությունը բավարար չեն։
Անհրաժեշտ են մասնագետներ, ճիշտ որոշումներ և այնպիսի ծառայություններ, որոնք ոչ միայն լուծում են առկա խնդիրները, այլև կանխում են ապագա ռիսկերը։
Եթե բիզնեսի համար կազմեինք ամենակարևոր «գնումների» ցանկը, ապա այն կունենար մոտավորապես այս տեսքը.
Բիզնեսի գրանցում
Յուրաքանչյուր հաջողված բիզնես սկսվում է ճիշտ մեկնարկից։
Բիզնեսի գրանցման ընթացքում կարևոր է ոչ միայն իրավաբանական անձ ստեղծելը, այլ նաև ընտրել հարկման համակարգը և կազմակերպել գործընթացը այնպես, որ հետագայում չառաջանան ավելորդ խնդիրներ։
Մենք կազմակերպում ենք բիզնեսի գրանցման ամբողջ գործընթացը՝ փաստաթղթերի պատրաստումից մինչև գործունեության մեկնարկ, որպեսզի դուք կենտրոնանաք ձեր գաղափարի վրա, ոչ թե թղթաբանության ու հերթերի։
Հաշվապահական ծառայություն
Հաշվապահությունը բիզնեսի կառավարման կարևորագույն գործիքներից մեկն է։
Մեր գործընկերները ստանում են ոչ միայն հաշվապահական սպասարկում, այլ նաև այն տեղեկատվությունը, որն անհրաժեշտ է բիզնեսը կառավարելու համար։
Նախապես տեղեկացնում ենք սպասվող հարկային պարտավորությունների մասին, զգուշացնում հնարավոր հարկային ռիսկերի դեպքում, տրամադրում ենք տվյալներ դրամական հոսքերի, պարտքերի և այլ կարևոր ֆինանսական ցուցանիշների վերաբերյալ։
Այս ամենը թույլ է տալիս ղեկավարին որոշումներ կայացնել ոչ թե ենթադրություններով, այլ իրական տվյալների հիման վրա։
Ֆինանսական վերլուծություն
Մեծ շրջանառությունը դեռ չի նշանակում բարձր շահույթ։
Ֆինանսական վերլուծության միջոցով պարզում ենք, թե որ ապրանքներն ու ծառայություններն են իրականում ամենաշահութաբերները, որտեղ են առաջանում ավելորդ ծախսերը, ինչպես է ձևավորվում շահույթը և որ ուղղություններն ունեն զարգացման ամենամեծ ներուժը։
Այս ծառայությունը օգնում է բիզնեսին ավելի արդյունավետ կառավարել իր ռեսուրսները և կայացնել թվերով հիմնավորված ռազմավարական որոշումներ։
Բիզնեսի դիագնոստիկա
Երբ բիզնեսում խնդիր կա, բայց դրա պատճառը պարզ չէ, առաջին քայլը պետք է լինի ոչ թե լուծում փնտրելը, այլ ճիշտ ախտորոշումը։
Բիզնեսի դիագնոստիկան գնահատում է ընկերության ընդհանուր վիճակը, բացահայտում է հնարավոր ռիսկերը, թույլ կողմերը և այն գործոնները, որոնք կարող են խոչընդոտել բիզնեսի բնականոն աշխատանքին կամ զարգացմանը։
Դիագնոստիկայի արդյունքները ցույց են տալիս, թե ինչ փոփոխություններ են անհրաժեշտ և որ ծառայությունն է տվյալ իրավիճակում ամենաարդյունավետ լուծումը։
Բիզնեսի խորհրդատվություն
Յուրաքանչյուր բիզնես ունի իր առանձնահատկությունները, նպատակներն ու մարտահրավերները։
Խորհրդատվության ընթացքում ուսումնասիրում ենք ձեր բիզնեսի իրավիճակը, քննարկում առկա խնդիրներն ու նպատակները և առաջարկում գործնական լուծումներ, որոնք հնարավոր է կիրառել հենց ձեր գործունեության մեջ։
Մեր նպատակը ուղղակի խորհուրդներ տալը չէ, այլ օգնել ձեզ կայացնել ավելի ճիշտ և արդյունավետ բիզնես որոշումներ։
Մեկ էկոհամակարգ՝ բիզնեսի բոլոր կարևոր լուծումների համար
Բիզնեսի տարբեր փուլերում տարբեր ծառայությունների կարիք է առաջանում։ Երբեմն անհրաժեշտ է գրանցել ընկերություն, երբեմն՝ կազմակերպել հաշվապահությունը, հասկանալ ֆինանսական ցուցանիշները, գնահատել ռիսկերը կամ ստանալ մասնագիտական խորհրդատվություն։
ԲիՕնում այս բոլոր ծառայությունները հասանելի են քեզ քո իսկ ափի մեջ։
Դա նշանակում է, որ յուրաքանչյուր նոր ծառայություն հիմնվում է արդեն առկա տեղեկատվության և ձեր բիզնեսի առանձնահատկությունների վրա։
Արդյունքում դուք ստանում եք ոչ թե առանձին ծառայություններ, այլ փոխկապակցված լուծումներ, որոնք օգնում են բիզնեսին զարգանալ ավելի վստահ և կանխատեսելի։
