Ե՞րբ է բիզնեսին անհրաժեշտ հաշվապահական խորհրդատվություն
Բիզնեսում հաճախ առաջանում են ֆինանսական խնդիրներ, որոնք հաշվապահը չի կարող լուծել առանց այլ մասնագիտական օգնության։
Նման դեպքերում օգնության են հասնում հաշվապահական խորհրդատուները։ Հիմա ներկայացնենք 6 իրավիճակ, որտեղ անհրաժեշտ է հաշվապահական խորհրադատուների օգնությունը։
Իրավիճակ 1
Մանր և միջին բիզնեսով զբաղվող կազմակերպությունների համար, որոնց աշխատակազմում չկա հաշվապահի հաստիք։ Այն ենթադրում է բիզնեսի համար հավելյալ ծախսեր, ինչպիսիք են հաշվապահի՝
► աշխատավարձի,
► հավելավճարների,
► բժշկական և արձակուրդային գումարների տրամադրումը։
Հաշվապահական աութսորսինգը ևս թանկ է, այդ իսկ պատճառով հաճախ բիզնեսմենն անձամբ է իրականացնում բիզնեսի հաշվապահությունը, որն առաջացնում է դժվարություններ ու մեծ խնդիրներ գործի մասնագետը չլինելու պատճառով։ Հաշվապահական խորհրդատվությունը օգնում է բիզնեսին և բիզնեսմենին խուսափել նման խնդիրներից։
Իրավիճակ 2
Լինում են դեպքեր, երբ բիզնեսն ունի հաշվապահ, սակայն նա ևս ժամանակ առ ժամանակ կարիք ունի թարմացնելու գիտելիքները։ Բացի այդ հարկային օրենսդրությունը այնպիսի արագությամբ է փոխվում, որ դժվար է հասցնել այդ տեմպի հետ։ Նման դեպքերում հաշվապահներին ևս օգնության է հասնում մասնագիտական խորհրդատվությունը` տնտեսելով ժամանակ ու խուսափելով հնարավոր սխալներից։
Իրավիճակ 3
Բիզնեսն իր աշխատանքի ընթացքում ունենում է գործունեության ոլորտի փոփոխություններ կամ ընդլայնումներ, օրինակ բացում է նոր մասնաճյուղ այլ վայրում կամ ավելացնում է մատուցվող ծառայությունների քանակը։ Այս և նման դեպքերում նույնիսկ գրագետ ու պատասխանատու հաշվապահը հայտնվելով իրեն անծանոթ խնդիրների առաջ կարող է շփոթվել։ Խորհրդատուն նման դեպքերում օգնում է հաշվապահին վստահ լինել իր աշխատանքում, և անհրաժեշտության դեպքում խորհուրդներ տալիս փաստաթղթերը կազմելու հարցում։
Իրավիճակ 4
Երբ սպասվում է հարկային ստուգումներ և բիզնեսմենը ցանկանում է համոզվել, որ հաշվապահական փաստաթղթերի հետ ամեն ինչ կարգին է, կարող է դիմել հաշվապահական խորհրդատուներին։ Նման կերպ նա ապահովագրում է իրենց ստուգման ժամանակ անցանկալի անակնկալներից։
Իրավիճակ 5
Երբ բիզնեսմենն աշխատանքի է ընդունում սկսնակ հաշվապահի առաջանում է անհրաժեշտություն ամբողջությամբ վերականգնել հաշվապահական հաշվետվությունները, իսկ առանց փորձառու մասնագետի օգնության սա անհնար է։
Հատկապես մեծ ծավալի աշխատանքների դեպքում հաշավապահական խորհրդատվությունից պարբերաբար օգտվելը անսխալ աշխատանքների և տուգանքներից խուսափելու լավագույն ճանապարհն է։
Այն կազմակերպությունները որոնք զբաղվում են այս գործով որպես կանոն արդեն իսկ աշխատելով տարբեր ոլորտների կազմակերպությունների հետ ունեն ահռելի փորձ ու տիրապետում են գործի բոլոր նրբությունների։